🙏សូមអនុមោទនា ពិធីបុណ្យមាឃបូជា នាថ្ងៃសៅរ៍ ១៥កើត ខែមាឃ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៨ ខែកុម្ភៈ ឆ្នាំ២០២០។

ប្រវត្តិពិធីបុណ្យមាឃបូជា មានពីរយ៉ាងសំខាន់ៗ÷ ទី១- ជាថ្ងៃដែលព្រះអង្គទ្រង់ដាក់ព្រះជន្មាយុសង្ខារ​ កំណត់អាយុយាងចូលបរិនិព្វាន ទី២​-ជាថ្ងៃដែលព្រះអង្គទ្រង់ធ្វើសាវ័កសន្និបាត​ ​ដែលមានឈ្មោះថា​ ចតុរង្គសន្និបាត​ គឺការប្រជុំប្រកបដោយអង្គ​៤​ មាន÷ ១​- ជាថ្ងៃពេញបូណ៍មី​ ខែមាឃ​ហៅថា​ មាឃនក្សក្រ​​ ២​- ព្រះភិក្ខុសង្ឃចំនួន​១២៥០ អង្គ​ឥតបានកំណត់ពេលគ្នាជាមុនសោះ ​ក៏ស្រាប់តែមកប្រជុំព្រមគ្នាក្នុងសំណាក់ព្រះបរមសាស្ដា​ ៣​-ព្រះភិក្ខុសង្ឃទាំងអម្បាយនោះសុទ្ធតែជាឯហិភិក្ខុទាំងអស់ ៤-ព្រះភិក្ខុសង្ឃទាំងនោះសុទ្ធតែជាព្រះអរហន្ត​។

ម្យ៉ាងទៀតព្រះសម្មាសម្ពុទ្ធទ្រង់សម្ដែងឱវាទបាមោក្ខ​ និងបានតែងតាំងព្រះសារីបុត្រឱ្យជាអគ្គសាវ័កស្ដាំរបស់ព្រះអង្គ ​និង ព្រះមោគ្គល្នានឱ្យជាអគ្គសាវ័កឆ្វេង គឺនៅថ្ងៃ១៥​កេីត ខែមាឃនេះផងដែរ។

ក្នុងឱកាស ដ៏ឧត្តុង្គឧត្តមថ្លៃថ្លា នៃថ្ងៃមាឃបូជានេះដែរ
នាងខ្ញុំ ព្រមទាំងក្រុមគ្រួសារ🙏💐 សូមបួងសួងដល់គុណបុណ្យ ព្រះរតនត្រ័យ កែវទាំងបី និងវត្ថុស័ក្តិសិទ្ធិទាំង ឡាយ ក្នុងលោក និងទេវតាថែរក្សាទឹកដី នៃព្រះរាជាណាចក្រកម្ពុជា 🙏សូមជួយប្រោះព្រំបីបាច់ថែរក្សា ដល់គ្រប់ថ្នាក់ដឹកនាំ នៃព្រះរាជាណាចក្រកម្ពុជា ព្រមទាំងបុត្រា បុត្រី ចៅប្រុស ចៅស្រី និងបងប្អូនប្រជាពលរដ្ឋ សូមបានប្រកបដោយព្រះពុទ្ធពរទាំងបួនប្រការ គឺអាយុ វណ្ណៈសុខៈ ពលៈ កុំបីឃ្លៀងឃ្លាតឡើយ។