' ពិធីបុណ្យចំរើនព្រះបរិត្ត ព្រមទាំងរាប់បាតប្រគេនព្រះសង្ឃចំនួន៧៩អង្គ
បុណ្យកឋិនសាមគ្គី
ទើបចប់ថ្មីៗនេះ ពីការដង្ហែទៀនព្រះវស្សា ! ឥឡូវចូលដល់កឋិនទៀតល្មម!
ថ្ងៃនេះ នាងខ្ញុំព្រមទាំងក្រុមគ្រួសារ ញាតិមិត្ត បានមូលមតិគ្នា ប្រារព្ធពិធី ដង្ហែបុណ្យអង្គកឋិនសាមគ្គី
ឆ្ពោះទៅវត្ត ព្រះយុគន្ធ ហៅវត្តឆ្នុកទ្រូ ដែលមានចង្ងាយជាង១៤០គម ពីរាជធានីភ្នំពេញ។
បុណ្យកឋិនសាមគ្គីនេះ គឺគោលបំណងសំខាន់តែមួយគត់ គឺការប្រមូលបច្ច័យកសាង ផ្លូវ ចាក់ដី
ជុំវិញ បរិវេណវត្ត ដែលពីដើមឡើយវត្តនេះ គ្មានផ្លូវចូលនោះទេ! គឺត្រូវធ្វើដំណើរតាមទឹក ដោយ
ប្រើទូក បើកជាង២គម ទើបដល់វត្តនៅកណ្តាលកោះនេះ។
បច្ចុប្បន្ននេះ នាងខ្ញុំនិងក្រុមគ្រួសារ ពិតជាមានការសប្បាយរីករាយ ក្នុងការបរិច្ចាគ ទ្រព្យធន បន្តិចបន្តួច
ដែលខ្លួនមានទៅតាមកម្លាំងសទ្ធា ដើម្បីចូលរួមកសាង ទៅតាមលទ្ធភាព ដើម្បីជួសជុល តំបូល
ព្រះវិហារបុរាណនេះ ឡើងវិញ ដោយចំណាយថវិការ ជាង១មុឺនដុល្លា ចាក់ដីជុំវិញ វត្តអស់ជាង១មុឺនដុល្លា
និង កឋិនសាមគ្គីនេះក៏បាន ជាង ៨៥០០ ដុល្លា ផងដែរ ទុកសំរាប់ ប្រគេន ព្រះចៅអធិការវត្ត និង
គណកម្មការវត្ត យកទៅប្រើប្រាស់ តាមការគួរ ក្នុងការកសាងទីអារ៉ាមនេះ អោយកាន់តែមាន
សោភណ្ឌ័ភាព ទុកសំរាប់ជាទីគោរពសក្ការះ របស់ពុទ្ធបរិសទ្ធ័ ញាតិមិត្តជិតឆ្ងាយ ដែលពួកគាត់
តែងតែមកទីអារ៉ាម ដែលអត្តខាត់នេះ។
